2026 ОНЫ 05 САРЫН 18, ДАВАА ГАРИГ
Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас Монголын скаутын холбоо, Хүүхдийн хөгжил, оролцооны үндэсний сүлжээтэй хамтран "Нэгдүгээрт хүүхэд” үндэсний хөдөлгөөний хүрээнд Монголын Хүүхдийн зөвлөлийн МАЙХАНТ чуулганыг Олон Улсын Хүүхдийн Найрамдал цогцолборт зохион байгуулж байна.


Шинэ мэдээ

✍️”АСРАЛТ ГЭР БҮЛ"-ИЙГ БҮРТГЭЖ ЭХЭЛЛЭЭ. ✅Асрамж, халамж шаардлагатай хүүхдийг гэр бүлийн орчинд өсгөн хүмүүжүүлэх зорилготой “Асралт гэр бүл”-ийн бүртгэл эхэллээ. 👶Та хүүхдийг хайрлах, хамгаалах, хүмүүжүүлэх, хүсэлтэй бол асралт гэр бүлээр бүртгүүлж, нэг хүүхдийн ирээдүйд гэрэл асаах боломжтой. 📌 Асралт гэр бүл гэж юу вэ? Хүүхдийг тодорхой хугацаанд гэр бүлдээ авч, асран хамгаалж, хөгжүүлэх үүрэг хүлээсэн бэлтгэгдсэн гэр бүл юм. 📌 Хэн хамрагдах боломжтой вэ? ✔ 18 ба түүнээс дээш насны ✔ Тогтвортой амьдрах орчинтой ✔ Хүүхдэд хайр, халамж үзүүлэх сэтгэлтэй ✔ Хариуцлагатай иргэн, гэр бүл ☎️Дэлгэрэнгүй мэдээллийг 7799-9988 утсаар болон Сүхбаатар дүүргийн хүүхэд гэр бүлийн хөгжил, хамгааллын хэлтэст ирж авна уу.
2026/05/18

✍️”АСРАЛТ ГЭР БҮЛ"-ИЙГ БҮРТГЭЖ ЭХЭЛЛЭЭ.

Олон улсын гэр бүлийн өдрийн мэнд хүргэе! 💐 Гэр бүл нь нийгмийн анхдагч нэгж бөгөөд иргэн бүрийн хүмүүжил, төлөвшил, хөгжилд чухал үүрэг гүйцэтгэдэг билээ. Энэхүү өдрийг тохиолдуулан гэр бүлийн үнэт зүйлсийг эрхэмлэн дээдэлж, халамж, хайр, хүндлэлд суурилсан бат бөх харилцааг бэхжүүлэхийг уриалж байна. Нийт иргэд, айл өрх бүрт эрүүл энх, аз жаргал, эв нэгдэл, сайн сайхан бүхнийг хүсэн ерөөе.👏🏻 2026.05.15
2026/05/15

ОЛОН УЛСЫН ГЭР БҮЛИЙН ӨДӨР

ИХ НАЙРАГЧ Д.НАЦАГДОРЖИЙН ХӨШӨӨНД ХҮНДЭТГЭЛ ҮЗҮҮЛЭВ 💐 ХГБХХЕГ болон харьяа дүүргийн албан хаагчид, ахмад үеийнхэн, хүүхэд багачууд Монгол Улсад Хүүхдийн байгууллага, хөдөлгөөн үүсэж, хөгжсөний 101 жилийн ойг тохиолдуулан Д.Нацагдоржийн хөшөөнд хүндэтгэл үзүүлж, цэцэг өргөлөө. Монголын орчин үеийн уран зохиолыг үндэслэгчдийн нэг Монголын хүүхдийн хөдөлгөөн, байгууллагын үндэслэгч Д.Нацагдорж (1906-1937)-д зориулсан хөшөөг 1966 онд Л.Махбалын зураг төсөл, Н.Жамбаагийн удирдлагаар Монголын урчуудын эвлэлийн хорооны Дүрслэх урлагийн баримлын тасгийн урчууд бүтээсэн юм. Хөшөөнд Д.Нацагдоржийг гартаа цаас харандаа барин бүтээл туурвиж байгаа байдлаар дүрсэлж хөшөөний суурийн урд хананд “Миний нутаг” шүлгийн хэсгээс монгол бичгээр бичсэн. Суурийн хоёр талд “Учиртай гурван толгой”, “Од” шүлгийг дүрсэлсэн байдаг. Сүхбаатар дүүргийн 8 дугаар хорооны нутаг дэвсгэр дэх тус хөшөөг нийслэлийн Засаг даргын 2008 оны 357 дугаар захирамжаар Сүхбаатар дүүргийн хамгаалалтад авсан. Энэхүү хөшөөнд үе, үеийн ахмадууд болон хүүхэд багачууд хүндэтгэл үзүүлж, жил бүрийн 05 дугаар сарын 08-ны өдөр цэцэг өргөх ёслол зохион байгуулдаг.💐💐 Энэ жил их найрагч Д.Нацагдоржийн мэндэлсний 120 насны ой тохиож байна.🕊️ 2026-05-08
2026/05/08

ИХ НАЙРАГЧ Д.НАЦАГДОРЖИЙН ХӨШӨӨНД ХҮНДЭТГЭЛ ҮЗҮҮЛЭВ

🌎Жил бүрийн 4 дүгээр сарын 30-ны өдрийг “Хүүхдийг зодож шийтгэхийг таслан зогсоох олон улсын өдөр” болгон дэлхий нийтээр тэмдэглэдэг. Энэхүү өдөр нь хүүхдийн эсрэг аливаа хүчирхийллийг таслан зогсоох, хүүхдийг эерэг хүмүүжлийн арга барилаар хүмүүжүүлэхийн ач холбогдлыг олон нийтэд таниулах, ойлголтыг нэмэгдүүлэх зорилготой юм. Хүүхдийг зодож шийтгэх нь хүмүүжлийн зөв арга биш бөгөөд хүүхдийн сэтгэл зүй, итгэл үнэмшил, цаашдын хөгжилд сөргөөр нөлөөлдөг. Харин сонсох, ойлгох, ярилцах, дэмжих зэрэг эерэг харилцаа нь хүүхдийн зөв төлөвшилд чухал үүрэгтэй юм🤗 📌📍Хүүхдийг зодож шийтгэхийн эсрэг өдрийн хүрээнд 116 сургуулийн багш нарт "Хүүхдийн хөгжил, хамгаалал" сэдэвт сургалтыг амжилттай зохион байгууллаа 🙌🏻👏🏻 📢 Эцэг, эх, асран хамгаалагч та бүхэн хүүхдээ сонсож, ойлгон харилцаж, тэдний хөгжил, төлөвшилд эерэг нөлөө үзүүлэх хүмүүжлийн арга барилыг эрхэмлэн хэрэгжүүлэхийг уриалж байна. ✨ “Хүүхдийг зодож шийтгэхийн эсрэг хамтдаа” 2026.04.30
2026/04/30

“Хүүхдийг зодож шийтгэхийг таслан зогсоох олон улсын өдөр”

📌СҮХБААТАР ДҮҮРГИЙН ХҮҮХДИЙН ТӨЛӨӨ ЗӨВЛӨЛ ХУРАЛДЛАА. ✅Сүхбаатар дүүргийн Хүүхдийн төлөө зөвлөл 2026 оны 04 дүгээр сарын 29-ний өдөр хуралдлаа. ✅Хуралд Хүүхдийн төлөө зөвлөлийн гишүүд 93,3 хувийн ирцтэйгээр оролцлоо. ✅Хүүхдийн төлөө зөвлөлийн 2026 оны үйл ажиллагааны төлөвлөгөөг 4 чиглэлээр 24 ажил, арга хэмжээг тусган хэрэгжүүлэхээр хэлэлцэж баталлаа. Хүүхдийн төлөө зөвлөлийн хурлаас Хүүхдийн эрхийг хангах, хөгжлийг дэмжих, хүүхдийг соён гэгээрүүлэх, олон талт үйл ажиллагааг хэрэгжүүлэхэд гишүүн бүр бодитой үүрэг, оролцоотойгоор ажиллахыг үүрэг болголоо. 2026.04.29
2026/04/29

СҮХБААТАР ДҮҮРГИЙН ХҮҮХДИЙН ТӨЛӨӨ ЗӨВЛӨЛ ХУРАЛДЛАА.

САНАЛ ХҮСЭЛТ

ЦАХИМ ХОЛБООС

САЙТЫН ХАНДАЛТ

Хугацаа Хандалтын тоо
ӨНӨӨДӨР 107
ЭНЭ 7 ХОНОГ 107
ЭНЭ САР 1532
НИЙТ 31181

хаяг:
Монгол улс, Улаанбаатар хот, Сүхбаатар дүүрэг, 11-р хороо, PRO ONE оффис

Холбоо барих:
утас: 7799-9988: 70167326
Цахим шуудан: suhbaatar_hgbht@cfga.gov.mn

Хүүхдийн тусламжийн утас:
утас: 7799-9988: +976-108

© 2022 он. Гэр бүл, хүүхэд, залуучуудын хөгжлийн газар. Бүх эрх хуулиар хамгаалагдсан.